أوعى تسوق وأنت جمبك مراتك ده إذا كانت مراتك

أوعى تسوق وأنت جمبك مراتك ده إذا كانت مراتك
مرة واحد كان ماشي على الطريق بسرعة ومعاه زوجته فجأة شاف في المراية
شرطي عمال يشاور له وقف السيارة . وقال الشرطي له :
أنت سايق فوق 180 كيلو في الساعة والطريق سرعته 80 كيلو في الساعة
علشان كده هاعملك مخالفة
الراجل : معليش أنا كنت متعدي 80 بشوية
الزوجة : أنت كنت ماشي على الأقل 180
الزوج : نظرة حقد وغل لزوجته
الشرطي : وكمان مخالفه علشان الكشاف الخلفي مكسور
الراجل : مكسور أزاي أنا ما أعرفش أنه مكسور
الزوجة : أيوه أنت عارف أن الكشاف مكسور من كم أسبوع
الزوج : نظرة حقد وغل للزوجة
الشرطي : ومخالفة كمان لأنك مش رابط حزام الأمان
الراجل : ده أنا لسه فاكك الحزام دلوقتي لما وقفت
الزوجة : لا لا لا ده أنت عمرك ما ربطت الحزام
الزوج في غيظ صرخ وقال : أنتي ما بتعرفيش تسكتي أبداً
الشرطي يقول للزوجة : هو دايماً بيزعقلك كده
الزوجة : لا بس لما بيكون سكران
الشرطي : سكران !!
الراجل : لا ما تصدقهاش
الزوجة : صدقني أحنا لسه لاقيين قزازة خمرة في العربية لما سرقناها
الشرطي : يعني العربية مسروقة
الراجل : سيبك منها الله يهديك، وأنتي اسكتي ولا عليا الطلاق أطلقك
الشرطي : هو دايماً كده يهددك بالطلاق
الزوجة : مش لما يتجوزني الأول وبعدين يحلف بالطلاق